الصفحة الاولى

 

أول حاجة، المعادلة الأساسية اللي بتمثل المنحنى ده هي f(x) = ln(x)

لو بصينا على الرسم البياني، هنلاحظ أول وأهم خاصية: المنحنى دايماً بيقطع المحور الأفقي عند النقطة  (1, 0)    وده لأن لوغاريتم الرقم 1 دايماً بيساوي صفر.

الخاصية التانية تخص حدود الدالة أو المجال بتاعها. الدالة دي مابتقبلش أي قيم سالبة أو صفر. يعني مفيش قيم للدالة لما تكون الـ x أصغر من أو تساوي صفر. وده بيفسر ليه في 'خط تقارب رأسي' عند محور الـ y أو لما الـ x = 0 المنحنى بيقرب جداً من الخط ده لتحت، بس عمره ما بيلمسه أبداً

أخيراً، بالنسبة لسلوك المنحنى، هنلاحظ إنه بينزل جامد جداً لتحت (للمالانهاية السالبة) كل ما قيمة الـ x تقرب من الصفر. أما في الاتجاه التاني، كل ما نمشي يمين وقيم الـ x تزيد، المنحنى بيفضل يطلع لفوق، بس الطلوع ده بيكون تدريجي وبطيء جداً.

دي كانت الأساسيات، تعالوا ننقل للسلايد اللي بعدها عشان نشوف إزاي الدالة دي بيحصلها تغييرات.

Edit This Article