الصفحة الثانية

 

في السلايد دي هنتكلم عن حاجة اسمها "الإزاحة الرأسية" أو الـ Vertical Shift لدالة اللوغاريتم.

الفكرة هنا بسيطة جداً؛ إحنا بنضيف رقم ثابت، هنسميه k بس بنضيفه "بره" الدالة نفسها. يعني المعادلة بتبقى بالشكل ده:

g(x) = ln(x) + k الحركة دي بتغير بس في قيم الـ y (الارتفاع أو النزول) لكن شكل المنحنى الأصلي بيفضل زي ما هو بالظبط

لو بصينا على الرسمة هنفهم الحالتين:

الحالة الأولى: لو الـ k أكبر من الصفر (يعني رقم موجب) زي المثال اللي قدامنا ln(x) + 2 هنا المنحنى كله بيتحرك لفوق بمقدار وحدتين، زي ما إحنا شايفين في المنحنى الأخضر كل نقطة زادت 2 على محور الصادات

الحالة التانية: لو الـ k أصغر من الصفر (يعني رقم سالب) زي المثال التاني ln(x) - 3 المنحنى الأزرق الأصلي بيتحرك زي ما هو ككتلة واحدة لتحت بمقدار 3 وحدات، وده اللي بيمثله المنحنى الأحمر

أهم ملاحظة نختم بيها السلايد دي، هي إن "خط التقارب الرأسي" اللي اتكلمنا عنه قبل كده بيفضل ثابت زي ما هو عند 

x = 0 ومبيتأثرش خالص باللي عملناه وده لأننا بنحرك الدالة فوق وتحت، فمجال الـ x مبيتغيرش

Edit This Article