الصفحة الثالثة

 

ندخل بقى على السلايد دي، واللي بتشرح "الإزاحة الأفقية" أو الـ Horizontal Shift

المرة اللي فاتت كنا بنزود وننقص بره، لكن هنا التغيير بيحصل جوه القوس بتاع اللوغاريتم نفسه مع الـ x يعني المعادلة بتبقى بالشكل ده: h(x) =ln(x - c)

هنا بقى الموضوع محتاج تركيز لأنه بيمشي عكس التوقع شوية:

لو بصينا على المنحنى البرتقالي والمربع اللي في النص: لما بنطرح رقم جوه القوس، زي g(x) = ln(x - 2) المنحنى بيتحرك ناحية اليمين بمقدار وحدتين

ولو بصينا على المنحنى الأزرق والمربع اللي على الشمال: لما بنجمع رقم جوه القوس، زي h(x) = ln(x + 3) المنحنى بيتحرك ناحية الشمال بمقدار 3 وحدات. طبعاً المنحنى الأخضر اللي في النص ده هو دالتنا الأصلية اللي بنقيس عليها

أهم نقطة نختم بيها هنا إن الإزاحة الأفقية دي بتغير حاجتين أساسيتين: المجال، وخط التقارب

بما إن المنحنى كله اتحرك يمين أو شمال، يبقى "خط التقارب الرأسي" (الخط المتقطع) هيتحرك معاه. في الدالة الأصلية كان عند الصفر، لكن في المنحنى البرتقالي خط التقارب بقى عند

x = 2 وفي الأزرق بقى عند x = -3 والسر الرياضي في كده إن القيمة اللي جوه قوس اللوغاريتم دايماً لازم تكون أكبر من الصفر

Edit This Article